Plantun de Prouvènço

Pèr coumpara dos planto d'encò nostre

Persicaria lapathifolia & Plumbago europaea

Persicaria lapathifolia

Polygonaceae

Noms en français : Renouée à feuilles d'oseille, Renouée à feuilles de patience.

Descripcioun :
Planto coumuno de ribiero e de prado umido. Li flour podon èstre roso o blanco. Se destrìo de Persicaria maculosa, pas pèr la taco sus la fueio que pòu l'agué elo peréu, mai pèr sa formo de fueio mai largo, l'absènci de péu sus la pichoto membrano subre li nous (ocrea -vèire la fotò) e peréu qu'a un pecou cubert de pichòti gibo (fotò).

Usanço :
Persicaria lapathifolia ajudo à lucha contro li proublèmo de saunamen ( règlo...), contro l'inflamacioun e peréu lou quiéu tapa. Li jouìni fueio se podon manja, mai pas de trop que i'a, coume pèr lis eigreto e li patiènci, d'acide óussali.

Port : Erbo
Taio : Pancaro entresigna
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Persicaria
Famiho : Polygonaceae

Ordre : Caryophyllales

Coulour de la flour : Roso
Petalo : 3
Ø (o loungour) flour : Pancaro entresigna
Flourido : Estiéu

Sòu : Ca
Autour basso e auto : 0 à 1200 m
Aparado : Noun

Liò : Ribiero - Prado umido
Estànci : Pancaro entresigna
Couroulougi : Pancaro entresigna
Ref. sc. : Persicaria lapathifolia (L.) Delarbre, 1800 (= Polygonum lapathifolium L., 1753 )

Erbo-di-rascas

Plumbago europaea

Plumbaginaceae

Àutri noum : Erbo-enrabiado, Bagoun, Erbo-de-la-rougno, Erbo-di-couquin, Malo-erbo.

Noms en français : Dentelaire, Malherbe.

Descripcioun :
L'erbo-di-racas, mens coumuno qu'à passa tèms, trachis en ribo de camin, i pèd de muraio e dins lis escoumbre ounte flouris amé de poulìdi flour vióuleto, à la fin de l'estiéu. Es uno planto eisado de recounèisse emé si flour e si fru pegous qu'arrapon li péu e li teissu.

Usanço :
Èi couneigudo au nostre pèr garris la rasco. Ramentèn qu'aquesto malautié de pèu e de péu s'aprèn à de champignoun coume Microsporum canis. Freta la bèsti emé d'òli de bagoun (adouba en fasèn bouli la planto dins l'òli). Se dis peréu qu'en mastegant la racino, apaisso li ràbi de dènt (erbo-enrabiado)-TdF. Pamens se n'en fau mesfissa que fretado sus la pèu pòu douna d'enflamacioun.